小小世界官網專頁登場

今次我覺得真係做得好好~ 起碼睇完之後會令到我再想入去玩~ (當然要我入去玩並唔係d 咩難事~ 是但話我知有新times guide 就得~ 哈) 但要讚下今次IASW 專頁個design 真係比起之前果d 好左好多~ 雖然都係冇乜動畫~ 都係唔夠巴黎靚~ 但又有邊個DL web site 可以比得上巴黎先~? 只要HKDL 做得唔差得過日本我覺得已經好好~~ 而今次就係一大突破!!!
一入到去就見到個好假好藍ge 天~ 迪士尼係「幻想」ge 地方~ 大家就幻想下香港真係有個咁藍ge 天先la~~ (香港政府真係無能!!) 見到下面有幾個方格可以揀~ 但我地首先瀏覽左一次小小世界先~

呢個網頁會不依次序地介紹IASW 入面ge 場景~ 所呈現ge 手法都幾特別~ 就係一直向右邊發展~ 即係各個國家完全冇被分隔開!! 有心思有心思~

有人話小小世界冇教育意義~ 玩緊可以教到你d 乜~? 自己上官網度學la~~ 今次揀左幾個民族ge 服裝黎做介紹~ 仲終於都有小遊戲玩la~~ 好似玩d paper doll 咁幫佢地換衫~ 但小弟覺得玩得唔夠盡~ 可以分頭, 上身, 下身咁玩~ 唔match 唔緊要~ 最重要係有娛樂性又有教育性~

當然少不了介紹入面果三十八個迪士尼朋友~ 我覺得由官方去做介紹係完全冇問題~ magic 係佢地create~ 佢地想點處置都得~ 而且我覺得今次介紹呢班characters 個page 都做得好有心思~ 留意下個背景~ 佢地好用心咁畫左d 背景令到班characters 可以完全融合到~~

當然唔少得video 介紹~ 個拍攝手法同剪接真係拍爛手掌~ 一開始由WDI 講出佢地一開始諗HKDL 小小世界係以咩作方向~!! 再加埋配樂同見到班公仔郁~~ wow~~!! 好感動!!

之前報紙廣告ge 名人筆跡~ 都話佢地今次真係想以香港情去sell IASW~ 連官網都要預留一位置俾霑叔~ 做得非常之好!!!!

設施入面九種語言theme song~ 一次過聽晒!!! 仲有MV 下月推出~ 期待!!

wallpaper!!!!! 快d download~

仲有map 都有張圖update 左~ 電腦作品~ 隻船好靚ar!!! 如果入面都係用呢種船就好~ 唔駛俾後面d 人煩住晒.....

圖片由香港迪士尼官網取得
http://park.hongkongdisneyland.com/hkdl/html/iasw/zh_HK/index.html

小小世界行程及出口

臨出發前~ 睇睇告示~~ No Flash Photography please~

想講講以下我覺得做得唔夠好ge scene~ 希望如果有官方人士click 左入黎會留意下~ 美國金門橋~ 左右有d 咩留待自己發掘~ 但呢條橋上面就寡左d~ 巴黎做得好好ge 係倫敦大橋上面有架巴士載住公仔行(郁緊!)~ 做得非常可愛!!

森林呢一幕所有遊客都會影呢個角度~ 因為左邊基本上係完全冇野睇~~ 黑媽媽~ 如果可以加d 識得郁ge 板落去~ 好似ariel 隔離條柱果幾條魚咁郁郁下都唔錯~

如果話Finale 係迫ge 話... 其實亞洲區係更加迫~ 只係一個轉彎就約有十個國家~ 難怪好多人都話差d miss 左香港~ 因為相比之下香港實在太唔顯眼~ 其實中東場景都好少野~ 希望遲d 會加強返香港個特色~

小小世界特色就係應該密質質同多公仔~ Finale 雖然係細~ 但冇人會覺得呢個場景做得差~ 因為佢真係貫徹到 IASW 個風格~ 總之做到d 公仔差少少就撞到果種feel~ 就係 IASW style~

小弟相信不久將來小小世界會加入更多公仔~ 依家留左咁多空位~~ JRC 同泰山樹屋都曾經被靜靜雞加入新場景~ 小小世界一樣得~ 當大家有一日發現入面多左野~~ 又再一次感到迪士尼ge 魅力~ surprise~~~!!
上岸同出口都做得好靚~ 其實 IASW 上岸係有分左右兩個出口~ 一條定為緊急出口~ 但蘋果佬話齋~ (其實係copy from pphang) 沿途有咁多逃生出口~ 真係發生事故ge 時候唔會要d 船泊返埋岸先俾人逃走吧~? 與其荒廢一個出口~ 不如將其中一條通道改為gift shop~~! 令到小小世界區域更加完整~ (Gift Shop 入面闊落d 有起事上黎都同樣可以俾人逃走~ )

今日有冇人見到自己係相入面~? 哈哈~ Ivan 駛唔駛我幫你打返格仔~?

小小世界外觀及等候區

今日我想share 一d 唔係太多人理會ge 相~ 大家注意力都集中晒係個ride 入面~ 但其實未上船之前都有好多野值得大家花小小心機耐性去欣賞下~ 一入到去就衝落去上船位.... 咁同一般人當Disneyland 係個普通遊樂場有咩分別?? 迪士尼同其他park 不同之處就係冇人去理會ge 細微位都做到一絲不苟....

小小世界個area 真係做得好靚~ 入面所有設施外觀都係同Fantayland 甚至成個park 唔同~ 好似垃圾桶... 燈柱... 風扇~ 當第一次入去過左橋底果下... 唔識得形容果種心情~

到入口... 會經過一條好長ge 走廊.... 呢條走廊好有氣氛~ 好似將你帶入故事書咁~ 左右兩旁都係小小世界外牆ge 建築物~~ 又有幾多人有留意過條走廊??? (但小心地滑個告示幾樣衰...)

轉入去... 見到等候區... 第一個反應係....「嘩!!!」個等候區怕且夠位起到小飛象~~! 我亦都覺得企滿人ge 話... 應該可以裝得晒Golden Mickeys 所有觀眾~ 見到呢個咁宏偉ge 場景~ 頓時覺得.... space mountain 同winnie the pooh 個waiting area 真係好廢~~!!

行緊落去碼頭ge 時候再留意下牆上裝飾~ 又係做得好細緻~~! 亦都係好似外觀咁有一座座建築物~ 最靚係支白色燈柱~

我只係覺得.... IASW 入面有好多驚喜都等緊大家去發掘.... 唔係就係表面要搵齊38個characters 咁簡單.... 何況大把人(甚至包括自己....) 都未搵得晒.... 何須咁急切集思廣益講晒出黎俾所有人知呢....? 何不玩多幾次先...? 成個遊戲可玩性就咁減低晒~ 明唔明白點解鬼屋唔俾影相錄影~? 明唔明白點解依家Golden Mickeys 都唔俾人錄影??
當然每個人都有其自由~ 我只係表達自己感覺~ 亦稱廢up~ 如有得罪.... 敬希原諒...

暴風下的小小世界

以下係台灣forum copy 過黎~ 大家讚HKDL 還讚HKDL~ 但唔好貶低TDL~ 台灣人勁勁勁崇拜東京迪士尼的~~ (雖然Keith 講得好中point~ TDL 同HKDL 個IASW 真係冇得比...) 放左disneycrazy 拍果段片先~ 未玩又想keep magic ge 話就唔好睇la~~

Soft Opening 的魅力還真厲害, 就算颱風襲港也無損粉絲的熱情. 現在就讓我們跟隨第一群超級粉絲的步伐漫遊一次小小世界吧
首先是外觀和廣場的部份, 見到測試進行中的字句, 還有小小世界的專屬小食店售賣冰淇淋(可是招牌還未有裝上), 還有為Grand Opening 當天慶祝活動所搭建的舞台, 可以見到廣場寬敞得誇張, 容得下一個大舞台和觀眾

 

這是每十五分鐘一次的報時(DisneyCrazy 提供)

等候的區域相當的寬敞, (也可以說是不停的兜圈子!) 試玩後大家都說有別有洞天的感覺, 有很強的空間感. 亦感到自己縮小了!

再看看裡面的尋找迪士尼人物遊戲, (這可是獨有的喔...暫時) 其實早前的片段中, 一開始的時候可以看見斑比, 牠是第一個出現的迪士尼角色, 有一些角色我不知道中文的名字, 所以就這樣貼圖好了

還有更多的圖片將會送上
感謝DisneyCrazy 及titanictc提供圖片

地球日2008 活動

18/04/2008

20同21號.... 除左玩小小世界之外..... 以下係小弟覺得不可錯過的活動~ 呀~~~ 係ar~~ 冇左放蟲仔~ HKDL 俾人大到~ 決定放棄放蟲~ (但可能係暗地裡自己放都唔定~ 哈哈!!)

http://hk.news.yahoo.com/080415/12/2sffd.html

1. 儲印章及襟章
一起尋找環保意「蟋」印章！樂園內會擺放四塊環保訊息資訊板，各有不同主題的環保小知識。每塊資訊板更附有不同設計的印章，於地球日書籤上集齊一套四個印章後，即可於幻想世界內的奇趣坊換取2008「地球日」紀念襟章。

(亦都即係話大家除左要儲個button 外~ 仲可以趁呢個時間帶定簿仔入去dump 印仔~ 又或者預留一張地球日書籤for 儲印~~)

參與在探險世界舉行的「益蟲害蟲知多小」活動，從嶄新角度從新體驗樂園。活動將介紹樂園度假區推行的綜合害蟲防治方法，一探樂園度假區如何減少使用含有化學物質的滅蟲劑，從而減低對環境的影響。

(以上呢個小弟冇乜興趣~ 不過應該會係今次個活動ge 主要目的~ 大家得閒就去聽下~~)

地球日慶祝活動期內，「綠悠遊之旅」將以小鎮會堂為起點，每天舉辦兩次。在樂園度假區園藝專家引領下一起探究樂園度假區幅員廣大的園林設計，細聽度假區內眾多的植物故事。

於幻想世界的奇趣坊創作並設計獨一無二的環保約章，透過奇妙活動教導小朋友環保意識。

2. 小遊戲
樂園服務款待專員會在樂園不同地點設置以循環再造為主題的趣味小遊戲，跟賓客大玩特玩！

(唔知會唔會有小禮品呢~? 記得玩~~!)


3. 搵占美尼影相簽名+去AA 畫畫~
勿忘記前往幻想世界，尋訪官方環保代言蟋蟀︰蟋蟀占美尼。賓客更可在動畫藝術教室學習如何繪畫蟋蟀占美尼。

(AA 果然係好有彈性ge attraction~ 咩節日都可以預埋佢一份~ 地球日期間限定版角色~ 大家要入去學畫占美尼!!)

大家可前往明日世界，跟揉合奇妙力量與未來科技的說話回收箱PUSH分享地球日的有趣小知識，亦可與樂園度假區全新娛樂項目布公仔流動實驗互相交流環保資訊。

一起支持迪士尼環保意「蟋」，創作獨家環保袋，合力減少廢物！在地球日慶祝活動舉行期間，大家可前往幻想世界的童話藝坊，運用非凡創意，購買並設計屬於自己的環保袋。

4. 買PIN~~!!
從速前往樂園度假區商店，購買「地球日2008」限量版徽章！


(唔知係咪網上面見到ge 呢個pin 呢~? 不過個網話LE 2500)



大姐作出更正~ 香港有個特別版~ 大家覺得邊隻靚d~? (LE300!! seriously!?)




係wo~~ 有一樣野大家未必會發覺~ 就係HKDL 官網大約個零月前多左一個版面~ 但主頁冇連結ga~~ 你唔click 入去佢個社區關係係搵唔到呢個「自然之旅」

http://www.hongkongdisneyland.com/discover/naturewalk.html

又再一次證明... 佢地個官網唔多掂.... 就係某本刊物度講多左個page 係冇用ga~~ 主頁完全唔放條link 出黎鬼有人知你加左野~~

-----------------------------------------------------

20/04/2008

又到地球日~ pin~? 50 分鐘賣晒~ 入到去都冇晒~ LE 300 真係幾不智.... 越來越多人玩pin trading~ LE 300 邊度夠!?!? 不過算吧~ 小弟都逐步遠離pin trade 行列~~~!

睇左今期Times Guide 先~~ Jiminy~~ 後面綠油油ge 草地~ 個天又藍!! 呢個情景冇可能會係香港出現!!!!! 點擊放大!!!

玩遊戲得到ge 「獎品」... 個人覺得上年個靚d~

仲未搵Jiminy 影相~ 亦都未去AA 畫野~ 感覺仍然唔會奉上第一次入AA 住~ 哈哈