三land 交界工程

又黎睇睇TSL, FL 同AL 之間個通道個工程依家搞成點la... 越來越大~~ 大得有d 誇張~

如果呢個位咁推左條路出去TSL 係為左引人流入去新land... 咁到底呢個新花圃會搞d 咩??

範圍之大... 唔會用黎種晒樹呱?? 但如果種樹... 有呢個位擋一擋~ 三個land 個分界會更明顯~ 起碼AL 末段見到盡頭都仲係樹~ 而唔係另一個世界~

個人仍然覺得呢個位係同TinkerBell 有關... TSL 下年年尾先開... 以小小世界同森魔詭域個經驗... 下年年中開條通道都唔遲... 唔駛早一年搞掂~ 尤其你睇到對面都係用一個月時間就已經完成工程~

繼續留意呢個位ge update~! 求相~~!!

來自香港迪士尼的聖誕禮物 - II

今年真係收到好多聖誕禮物~ 都仲未計朋友之間準備互相交換ge 禮物... 日前收到香港迪士尼今年妙想童話國ge 第二份禮物~ 拎上手好大盒好重... 今次唔係上次盒曲奇咁奇形怪狀~ 而係長方形一個盒.... 盒面係聖誕官圖~ 下面有活動標誌.... 到底係咩黎呢??

打開!!!!! wa!! 原來係一set 五支糖果吊飾~!!! 就係今年成條main street 都出現ge 米奇家族造型~ 而每款吊飾都有一塊金色牌... 係sparkling castle~ 但點解會咁重?? 咁大盒下面仲有d 咩???

揭開.... 係一個底座~! 模擬一舊雪磚俾你插上面五支糖果~ 即係提供左兩個擺放ge 方法~ 你可以掛上聖誕樹~ 亦都可以插係底座度作擺設~~!

唔錯唔錯~~ 呢一份比上次個曲奇有心思~ (但我仲未開黎食~ 唔知好唔好食呢??)

大街玩具裝束巡禮

Meida day 果日已經有介紹過呢個節目... 但係重點就放左係聖誕樹... Mickey Minnie Duffy 度.. 都冇提過大街托燈玩具ge 裝束~ 四位singer ge 裝扮.... 並唔係今次重點...

睇睇班玩具... 其實都唔知叫唔叫佢地做玩具好... 有d 我真係講唔出佢地係咩黎.... 新出的吧...?

呢個show 個budget 之大其實有眼見... 大街有得影ge 聖誕精靈~~

我唔知呢個係咩黎... 糖果人?

芭蕾舞者...

大眼娃娃~ 呢位玩具今次造型幾match~ 只係唔襯金色頭髮姐~

張張相都係特意向影相者擺Pose 同笑...

希望下年亮燈儀式會好睇d~ 有故事得黎... 玩埋大街兩旁建築物LED燈就好~

聖誕美食巡禮

見到好多網友都話今年雪亮聖誕個park 多左好多好野食~ 就連戶外小食店都多左好多有誠意ge 食品~ 今晚做個簡介吧.... 今年聖誕12月中開始大家可以係皇室宴會廳度食聖誕Buffet...時間係五點開始... 成人$198 小童$98

率先直擊~! 冷盤熱食湯甜品粉麵飯乜都有~ 不過一分錢一分貨... 既然要同酒店爭生意~ 水準當然唔會有酒店咁高~ 迪士尼$198 有Buffet食....好抵ga la~

其他餐廳聖誕食品~ 火箭餐廳出新包~~ 係米奇手套形狀ge 魚柳包餐~ HK$68!

Corner Cafe 聖誕烤肉晚餐~ 沙律 + 湯 + 烤肉 + 甜品 = HK$158

美國小鎮大街麵包店都有一系列新包~ 小小雪人 = HK$24

小木頭朱古力 = HK$30

聖誕火雞酥 = HK$28

聖誕紅豆吉士棒 = HK$24

聖誕音樂盒 = HK$24

聖誕青檸繽紛啫喱杯 = HK$26

聖誕朱古力脆脆杯 = HK$26

而個人認為今年戶外車仔檔先係美食重點~!! (之前HKDL 話起park 時預計錯左香港人消費習慣所以起左好多餐廳~ 但原來香港人係鍾意小食~ 隨即見到樂園推出多款不同口味小食~! 呢d 先係根據市場做野~! 抵讚!! 加油呀~!)
朱古力黒森林甜品杯 = HK$80 連杯送....售賣地點... Corner Cafe.. 城堡旁咖啡店... 皇室宴會廳~!

迪士尼朋友曲奇樽 = HK$80.... 就咁睇官圖都見到有好多個迪士尼朋友造型~ 都幾抵買~!

米奇華夫餅配士多啤梨楓糖漿 = HK$38

薄餅卷三文治 = HK$40

聖誕火雞腿 = HK$40

菠蘿金門火腿配薯蓉 = HK$40

德國香腸配酸椰菜 = HK$40

炒栗子 = HK$20

繽紛士的糖 = HK$10

朱古力生果串 / 朱古力棉花糖串 = HK$20

我對個薄餅卷三文治好有興趣~! 今個聖誕.... 留返個肚入park 擦餐勁la~~!!