大街商店Victorian Collection 開幕

有消息指出大街舊Pin Trading 位呢個新擴充商店已經差唔多完成~ 而且亦有消息話呢間商店比原定schedule 落後~ 希望可以趁暑假尾聲開幕~ 而以HKDL 過往作風.. 多數d opening 都係set 喺weekday~ 大家要繼續留意新消息~



今個summer HKDL 都算幾多姿多采! 上個月灰熊山谷開幕~ (下? 原來都係開左大約一個月) Main Street 間商店會開~ Toy Story Land 新商店工程展開~ 仲有仲有.. 較早前Disney Pixar Brave 同blogger 聚會時有提到香港終於都會開Bibbidi Bobbidi Boutique~ 預計都係今個月尾開幕~ 大家入park 時記得留意一下~

有關Bibbidi Bobbidi Boutique 當日宣傳可以click 入呢篇重溫: 香港Bibbidi Bobbidi Boutique 八月尾開業

=============================

尋日先出post~今日就拆圍板~其實HKDL 效率都好高丫~ 係咪? 哈哈~ 乜真係好核突咩? 唔知點解我覺得可以接受~ 因為佢要做天幕... 呢個design 都幾match 天幕~



而且你話呢座新shop 會唔會影響到main street 整個景觀呢? 其實真係唔覺~ 你要行到埋去好近先會發現到呢座新建築物~



直覺話俾我知呢間shop 日間室內有陽光滲入一定會好靚~ 而相反夜晚由外面睇返入面燈火通明~ 同樣都會好grand~



Victorian Collection~~ 同Victoria 有冇關? 哈哈~ 還記得早幾個月前大街酒店內Victoria 同一眾怨靈甦醒... 就係因為呢個工程~!! 是巧合嗎?? 大街酒店驅靈實錄

======================================================

原來已經開左~ 真係好快wo~

呢間商店起到成間溫室咁..到底用意係咩呢?

新舊商店連結位~



入面其實都幾靚~ 有日光照射下呢度就更靚~ 但我相信... 上面個天幕好快就會滿佈雀仔便便... 所以清潔功夫希望做得密d~

盡量唔郁旁邊建築物~ 所以外牆得以保留~

而地下都係保留大街紅磚~



而後面彩色玻璃用意係遮住Backstage~

入口有個報攤~

由報紙出版日版可以估到... Main Street 「今日」日子..

而櫥窗另一邊仲有花店~ 呢個花店令到我諗起...加州迪士尼樂園Main Street 中間呢條Center Street 於1955年開幕ge時候有一個Flower Market (當然係decoration) Main Street 透過decoration~ 開始多左少少生氣~ 不過... 今日見到好多人手多多拎d 花出黎.. 又揭開d 雜誌... 唔知唔會好快殘呢?? 園方真係要諗諗計....

 

隨影~

而靠近Emporium 同Curiosity Shop ge 地方就有天花



值得一講ge係.. 呢間shop 唔想破壞原有呢條橫街ge 建築~ 所以都會見返呢個位ge 一d 原有建築物~ 除左之前通往Backstage 門果排屋就變成貨倉~ 所以都變成磚牆~



Decoration~~ 繼續影~ 個鐘都出現左幾多次~

而相連現有兩間商店ge 位就... 略嫌hea hea 地~



而商品方面~ 今日入左去ge 朋友都話冇乜特別~ 同現有商店差唔多而且仲overlap 左~ 不過我相信呢個只係暫時性~ 將來大家或者可以慢慢見到獨特性~ 而今日都發現左兩個新專櫃~ 一個係售賣迪士尼電影DVD ge 貨架...

同埋賣書!!!!

開始引入多元化種類商品la~~ 希望可以keep 住~

開始入夜了....



夜晚有d 似車站...



真係好有外國feel~~

但報紙就變得有點詭異....

其實呢間新商店確實冇想像中咁差~