今次係香港迪士尼首次舉辦情人節活動~ 根據過往經驗... 一個節日活動第二年去向~ 係好視乎第一年guests 個反應係如何~ 所以如果大家都想HKDL keep 住越來越多活動~ 就要多d 多d 入去支持一下la~~ 一句「濃情厚愛，無論是情侶、家人、好友之間的愛，同樣珍貴」~ 講出今次情人節活動target 又係所有人~ 的確愛係唔應該只出現係情侶之間~! 愛下自己屋企人同朋友la~~! Minnie: 「愛... 令到所有野都變得好靚ga~~!」
睇睇個活動日期先~ 2月7至15號~ 即係同「福到滿城賀金牛」活動重疊左兩日~ 大家可以建議班非AP 朋友仔2月7或2月8入去就可以一張飛玩晒兩個活動~
有咩節目~? 不過第一年搞試反應成份居多~ 唔好抱太大期望~ 就係用返八福個心形桃花~ 多左燈謎~ (元宵節係農曆正月十五~ 即係西曆2009年2月9號) 所以是次活動由7號玩到15號~ 夾埋中西情人節一齊搞~ 多多入去許願玩遊戲la 喂~
當然唔少得Meet & Greet 活動~ 上年不動聲色突然出左花木蘭+李翔.. 貝兒+野獸~ 都話左係試反應~~ 今年承接上一年~~ 出埋其餘王子公主~~!!!! 仲肯事先講俾大家知~ Prince Charming... Prince Phillip 同埋仲未係HKDL 亮相ge the Prince~! 一次過湧出黎~ 今年情人節... 公主們終於都有人陪~! 大家要把握機會活動期間入park 影相la~~~
上年花木蘭同李翔合照~ 至於Belle & Beast... 因為當日阿Belle 略為..... 所以都係唔放出黎比較好~ 哈哈~~!
上兩年情人節精品都幾靚~ 今年就... 就咁睇呢張相都唔錯~ 希望會快d 放情人節商品出黎la~~~
再有新消息會再同大家匯報~!
有網友話今次搞情人節活動只係咁岩CNY 早左可以讓時間出黎搞多個活動~ 但大家可以見到今次d 活動係偏向左去元宵節多過西方情人節~ 元宵節係農曆正月十五~ 係咪都過左新年~ (就連「桃花園」呢個名都好中式!!) 而且偏向元宵資源亦可以同CNY 重疊~ 所以呢個節日要再搞都唔係絕對冇可能ga~ 雖然得一個禮拜大搞極有限~ 不過都請大家要多多支持~!
圖: 香港迪士尼渡假區官方網頁
-----------------------------------
17/01/2009
香港迪士尼樂園即將首次為情人節推出特備活動「迪士尼心願桃花園」，讓賓客在迪士尼童話式浪漫氣氛中分享愛意–無論是男女之間的真愛、或是家人朋友的關愛，與摯愛一起到來許下心願。
「迪士尼心願桃花園」將於2009年2月7日至15日舉行，浪漫燈飾與極具情調的佈置，處處洋溢濃情愛意；加上多姿多彩的娛樂項目及遊樂設施，令樂園成為不論任何年齡的賓客慶祝元宵節（中國情人節）或西方情人節的最佳地點。
從踏進香港迪士尼樂園的一刻開始，賓客便會被浪漫的夢幻氣氛深深吸引。賓客可在美國小鎮大街，感受醉人的情懷，欣賞各款心形的裝飾佈置。睡公主城堡前的庭園更將掛滿色彩斑斕的花燈，內藏謎語，讓賓客與摯愛齊來解開。那裡亦有一座設計獨特、高達近12呎的巨型心形桃花，賓客除了可與摯愛一起拍照留下美麗回憶，也可寫上心底願望在許願咭上，掛在心型桃花外的柵欄，為身邊人送上一份愛的祝福。
一雙一對的經典迪士尼情侶，包括米奇老鼠與米妮老鼠、唐老鴨及黛絲、仙杜瑞拉與王子、愛洛公主與一吻讓她甦醒的菲力王子，還有白雪公主與王子等等，將在樂園內結伴出現，與賓客見面和拍照，以他們永垂不朽的愛情故事感染每位在場賓客。
樂園內還有很多的富情調的景點讓賓客製造浪漫回憶：坐上「小小世界」內的小船，進入由童心引發的繽紛國度，放眼不同地域的風情景致 ; 黃昏時候，可以走到探險世界內的「泰山樹屋」，從高處靜靜欣賞晚霞景色 ; 晚上，「星夢奇緣」煙花表演更是不能錯過的節目，煙花於睡公主城堡上空造出奇幻色彩，配上音樂及燈光影像，引領賓客步入奇妙世界當中。
香港迪士尼樂園亦為賓客悉心準備各式各樣的情人節限量版精品。由軟綿綿的粉紅色心形坐墊、抱枕及巧克力，以至紀念徽章及匙扣，選擇繁多，讓賓客盡情選購以送贈摯愛，令情人節更添窩心愛意。
與摯愛共度浪漫歡欣的一天後，更可選擇在樂園或兩間迪士尼主題酒店享用美味的情人節晚餐、令人垂涎欲滴的自助餐，又或是賣相精緻的甜品、情人節曲奇及蛋糕等，滿足口腹之餘，更甜在心頭！
要令情人節更圓滿、更完美？何不與摯愛在香港迪士尼樂園酒店共享水療護理，一同放鬆身心，將享受全面昇華。各種尊貴的護理療程及精選優惠為賓客精心呈獻，例如選購每位收費港幣1,980元的維多利亞全身體驗護理組合療程，即可獲贈價值港幣490元的情人節禮品套裝，讓賓客向摯愛盡表心意。
只係更新左一張~ 因為之前呢個event page 果張圖去左精選體驗推介中ge 「二人世界」度~ 呢張有Disney Feel 好多~~ 果張只係一張一d 都唔夢幻ge 相... 今次... 全粉色+煙花~ 好卡通好夢幻~ 但係仲未見到the Prince 同Snow White出場~
Prince Charming 係咪第一次係官網出現~?? Mickey Minnie 背後係咪Cinderella Castle 黎?? 唔知呢張會唔會出大官圖呢~? 今次個感覺好過新聞稿發佈果張圖~ 似返Disneyland~ 其實唔關用唔用Characters 事~ 係因為個背景做得好卡通~ 有一種好唔真實ge 感覺~ 見得到進步~!!
圖: 香港迪士尼樂園渡假區官網
英文個名就真係幾普通~ 新年event 都係la~ 中文名簡單得黎幾咁有意思~ 福到仲要遍佈城市每一個角落... 好過上年果個名... 亂黎!! 講返情人節先~ 今次個Logo... 中文字全部都係連埋~ 仲有好多好多桃花飄起~
HKDL 設計ge logo 不嬲都幾掂~ 除左「米奇暑假大派對」中文版個Logo 同英文版相差勁遠!! 其餘黑色世界.. 雪亮聖誕都見到佢地花過心機~ 請繼續努力~~
我覺得今年官方CNY event 刻意用左好多桃花佈置~ 順便為呢個活動鋪路~
圖: 香港迪士尼樂園渡假區
------------------------------
05/02/2009
邊有人個笑容可以咁甜ga......
以下三個當中一個同你過情人節~ 你會揀邊個~?
成張相靚人靚景... 只係差個天太朦..... 香港個天有佢條裙咁藍就正~
除左上面呢位林小姐之外... 仲有另一位林小姐今日又返黎做MC~ 上次CNY 我係電視度見到佢背影訪問學友~ 一眼就認得佢~!! 靚左好多wo~~!! 想睇ge 可以去文兄個blog 度睇睇~~
林嘉欣成個image 都係好sweet..... 又健康~ 幾match 情人節~~ 有d 人用同一個tone 但出左黎效果係姣ga~ 唔係個個都甜得起~ HKDL 搵岩左人la 又~
圖: 香港迪士尼樂園渡假區
------------------------------
07/02/2009 Princess Aurora & Prince Phillip
以下係Prince Phillip 同Princess Aurora~ 亦都見到個亭加左裝飾~ (係wo~ 今次公主行得咁出~) 還可以la~ 不過有王子出就梗係要講下王子先~
--------------------------------------------
08/02/2009
又一位新王子出場~
又儲多位新人物~~ 當然係開心~ 希望會繼續加入更多新face character la~~!
------------------------------
09/02/2009 Mickey & Minnie in CNY'09 costumes
終於都見到Minnie 著今年條裙出黎影相la~ 靚過上年果條好多~ 最重要係有頭飾~! Minnie 咁貪靚有乜可能個頭冇飾物先得ga??
今日金牛活動完結~ 而桃花園活動繼續~~ 米奇福氣大宅再次關上~ (希望下次再打開ge 時候已經係 @ Toon Town) 米奇冇得再係大屋M&G~ 即係會出返桃花亭?? 咁班公主王子會移去邊呢~?
同時Mickey Minnie 會唔會繼續著新年衫出黎影相呢~? 我比較貪心~ 如果中西式都有就好la~
----------------------------------------------------
10/02/2009 Princess Cinderella & Prince Charming
呢pair 冇乜特別野要講~ 因為唔係第一次出~ 終於講晒Princess~ 我個blog BG 個theme 仲可以留多一晚~ 哈哈~ 聽晚就唔知留唔留到lu~~~ 我怕之後個theme 唔match princess & prince ma~~ 呵呵呵~
---------------------------------
11/02/2009
燈謎有中文亦有英文~
沒有留言:
發佈留言