香港迪士尼小熊維尼的故事

估大家等得非常耐la~ 哈哈~ 好la好la~ 就講講Winnie the Pooh 個故事俾大家聽~~~ 話左呢篇係大野黎~ 建議大家分開慢慢消化~

呢一篇唔係只講the Many Adventures of Winnie the Pooh 呢個ride 咁簡單~ 大家知唔知Pooh 除左Fantasyland 外仲會喺park 邊度出現~? 就係Main Street Emporium 外面對住Town Square 個櫥窗... 分成兩格櫥窗~

唔講呢兩格櫥窗住~ 有個問題問問大家~~~ 點解Pooh & Friends 會出現喺Main Street~?? 佢地係少數可以進駐Mickey 家族地頭ge Disney characters~ 實有d 原因ge~ 記住WDI 放每一件物品都有理由support~ 大家依家停低諗諗~ 最尾會開估~~!

開始講Pooh 個故事~ 大家理應玩過HKDL 版ge the Many Adventures of Winnie the Pooh la~ 亦都應該知道成個dark ride 係講緊一個故事~ 但大家未必會深究呢個故事內容~ 同埋scene 與scene 之間點相連.....

呢個dark ride 個backstory 其實係取材自電影~ 睇睇下面呢張圖係一開始上車等開車所見到ge page~ Chapter II - Pooh and his friends in a very blustery day~

Chapter II?? 原來Winnie the Pooh and the Blustery Day (1968) 呢個故事係Winnie the Pooh 系列第二齣短片作品~ 第一齣名為Winnie the Pooh and the Honey Tree (1966).. 第三齣短片Winnie the Pooh and Tigger Too!(1974)... 三集輯錄成The Many Adventures of Winnie the Pooh~ Dark Ride 內容主要以the Blustery Day 作主幹~ 但由於亦有第一集畫面出現~ 所以個名命名the Many Adventures~ 邊d 係第一集畫面~? 咪就係呢個汽球~~! (為左令大家更易理解~ 以下我會用M=原版情節... P=樂園內故事)

大家有冇諗過呢個汽球係點出現~? M: 係Christopher Robin 送俾Pooh ga~~ TDL Pooh's Hunny Hunt 一開始等開車位就播呢段動畫la~

講左咁耐終於都開車.... 一開始就見到Gopher 同Piglet 出現~ 仲有後面畫面d 字同樹葉被風吹走~

M: 有睇過卡通都會知表達手法係講故事形式~ d 角色會係故事書中走黎走去~ 真係有吹走字呢個畫面~ Piglet 掃緊屋企門前落葉~ (再睇返P: Piglet 後面真係畫左佢屋企~ 呢個故事其實Piglet 戲份都非常多)

P+M: Gopher 係地洞鑽上黎~ 佢一早就預知到100-Acre Wood 會出現水災~ 講出Happy Winds-day (取諧音Wednesday)~ Gopher 有幾happy?? 再睇埋落去就知~
Pooh 出現la~! 見唔見到拎住頭先個藍色汽球~? 原來佢想用個汽球升自己上蜂巢偷蜂蜜~ 下面Eeyore 幫佢做支援~

M: 拎汽球呢個畫面係黎自第一齣電影Winnie the Pooh and the Honey Tree~ 並唔係出自the Blustery Day~ 電影中係Christopher Robin 放Pooh 上去同支援~ (＊Christopher Robin 第一次被踢走)

P: Rabbit 原本想挖返d 蘿蔔上黎~ 可惜發生意外... 見到後面欄杆撞到爛左ma~? Roo 被大風吹上天~ 媽媽Kanga 拉實條頸巾唔俾Roo 被吹走~

M: 原本飛上天係Piglet~ 由Pooh 拉實佢條頸巾~ Roo 見到呢個畫面仲嚷住要Pooh 下次放佢上天扮風箏tim~ 今次夢想成真~~ Rabbit 亦都冇發生到意外~ 不過佢個菜田經常都會因不同事受到襲擊~

P: 見唔見到上面入第二個場景前個門~?? 係一間倒塌左ge 樹屋~

M: 呢間屋屬於Owl ~ 成間被強風吹倒打橫訓左係地下~ 東京版Pooh's Hunny Hunt 第一個scene 就做到搖搖欲墜ge 效果~ 香港就直接倒塌後入屋探Owl~

呢個Scene attraction 冇乜特別~ 但電影就有講到Owl 間屋倒塌後由Christopher Robin 主持大局~ Eeyore 負責幫手尋覓新居~ (＊Christopher Robin 第二次被踢走)

大家有冇發覺Scene 1 少左個角色~?? 就係Tigger~ 原來佢冇出過場ga~ 係去到呢度先第一次出現~ 撲上去Pooh 身上....

電影中Pooh 晚上聽到怪聲嚇到佢好驚~ 開門睇睇邊個... Tigger 就撲入黎~! 仲話俾佢知世上有兩種動物鐘意偷蜜糖~ 一種係Woozles... 另一種叫Heffalumps~ (最鐘意偷蜜糖ge... 除左Pooh 仲有邊個.... 而Heffalump 就變成較近期一齣WTP 電影題材~ 即係長鼻怪ar~~! 紫色隻小笨象~ 加入左Pooh 家族~!) 講完之後Tigger 就彈走左~

M: 以Pooh 角度描述Tigger 出場~ P: 就以Tigger 角度帶領guests 係森林跳黎跳去最後到達Pooh 屋企~

為左守護第二生命~ (或者係第一生命都唔定)... Pooh 決定唔訓覺~ P: 喺Tigger 壓住Pooh 同進入下個Scene 之間... 大家會見到一個故事頁... Pooh 望出窗... 行雷了.... 進入下面呢個scene... 見到Pooh 終於捱唔住喺窗邊訓左... 靈魂出竅~ (真身下面有支槍要黎擊退敵人ga~ )

發夢了.... 呢段Attraction 都搵左好多原版造型出黎~ 上面隻鼠類就係Woozles~ 而下面大象ge 就叫Heffalumps~ 喺夢境入面... Pooh 不斷被呢兩種奇怪生物蹂躪~

最後Pooh 被一下雷聲嚇醒~ 番返自己身軀時發現連夜大雨令到屋企水浸~ 故事書d 字都被洪水沖走~~ 呢個跟得好足~!!

100-Acre Wood 水災~ 最後兩個scene 同動畫有幾大分別~

P: 第一個人物就見到Gopher 浮係水上面個口吐緊水出黎~ 還記得之前佢話Happy Winds-day 嗎?? 依家見到佢有幾happy la~ 大家都一齊拯救緊就黎被洪水沖走的Piglet~

M: Piglet 一起身就發現洪水湧入自己間屋~ 企左係張櫈上面隨水飄流~ 其他朋友就走晒去Christopher Robin 屋企~ 因為佢間屋係全個森林唯一冇被洪水淹沒ge 地方~ 換言之原故事中佢地冇拯救到Piglet..任由佢隨水飄流.... (＊Christopher Robin 第三次被踢走)

M: 救Piglet 呢個重任就交由Pooh 負責~ 但其實佢一心只係想保護自己d 蜜糖... 誤打誤撞救左Piglet~

P: 就更加離譜.... 明唔明咩叫趁火打劫~? 呢個時候爬上蜂巢... (但可以見到水位有幾高!!)

M: Pooh 誤打誤撞救左Piglet 被封為英雄~ 洪水退左之後大家一齊開party~

M+P: 真正Hero 唔止一個~ 記唔記得Owl 間屋倒塌~? Piglet 願意讓間屋俾Owl 暫住~ 而佢就開始左同Pooh ge 同居生活~ 因為Piglet 捨己為人~ 都被封為Hero~

P: 大家都有份救Piglet~ 人人都係Hero~ Piglet 係呢個scene 唯一全身立體角色~ 呢個故事入面Piglet 佔ge 比重非常大~ 仲見到右邊張櫈有Hero Hunny... 明顯呢個位係留俾Pooh.. 咁佢呢...?

P: 原來仲未走....塞住左喺個蜂巢度繼續食Hunny.... M: the Blustery Day 結局當然唔係咁~ 水災後Pooh 做英雄再同Piglet 同居~ 而Ride 入面Pooh 享受蜂巢的一刻ge 情景... 係黎自第一集.... the Honey Tree~

點解會塞左係蜂巢呢~?
P: 水災乘機上去偷蜜糖~~
M: the Honey Tree 呢集Pooh 入左Rabbit 屋企食晒所有蜜糖... 搞到自己肥到塞住左Rabbit 正門... 拉都拉唔到出黎~ 最後被眾人用力一拉... 飛鏢一樣塞左入蜂巢!!

依家就要帶大家返返黎Main Street Town Square 呢個位~ 就係呢兩隻櫥窗講緊呢件事~ the Honey Tree 經典畫面~

F: 見到Rabbit 抵死地將Pooh 下半身化成自己屋企裝飾一部分~ 由Christopher Robin 率領眾人拉返pooh 出黎~ 就係呢一下Rabbit 太用力~ 推左Pooh 上樹... 岩岩插左入個蜂巢度~ 形成上面個畫面~

記唔記得一開始我問過大家一個問題.. 就係Pooh 塞左係Rabbit 屋企個情景... 點解會出現係Main Street? 仲要係對住Town Square 呢個位~~

開估了~ 頭先咪講過呢個情景係the Honey Tree 經典場面ge~ 呢齣戲係1966年發行~ 大家知道1966年有咩大事發生ma?? Walt Disney 逝世~ Winnie the Pooh and the Honey Tree 係Walt Disney 生前最後一齣推出ge 完成品~ (當然佢都有份參與制作)~ 所以係Main Street 佔一席位~ (我假設大家都知道Main Street 對Walt Disney ge 意義) 呢兩隻櫥窗位於Town Square~ 係正Fire Department 旁邊... 大家又知唔知Fire Department 同Walt Disney 的關係?? (係fans 應該實會知~)

又記得Tigger 係第二集the blustery day 先出現ma~? 櫥窗呢個位係為左向Winnie the Pooh 同Walt Disney 致敬~ Tigger 係重要角色~ 當然唔少得佢~ (＊Christopher Robin 第四次被踢走)

開幕初期Pooh and friends 都會係大街Meet & Greet~ 不過依家冇左lu.....

最後都循例送上大家成日都有得玩的the Many Adventures of Winnie the Pooh 片段 (skylantern2008 提供)

我覺得睇到呢篇後大家會更加想知Aurora 個故事... 哈哈~ 喂喂~~ 自己發掘一下先有樂趣ga ma~~
大部分圖片均自flickr