全亞洲迪士尼之中規模最大的上海迪士尼樂園最快在二○一四年「打到嚟」，香港迪士尼如夢初醒加快擴建，爭取二○一四年之前開放三個新主題區，趕在上海迪士尼開幕前盡量吸客。此外，迪士尼研究在迪士尼港鐵站附近興建面積數十萬平方呎的大型商場，料會有迪士尼產品及其他品牌名店與食肆等。
香港迪士尼行政總裁金民豪昨日表示，三個新主題區的基礎工程會提早動工，希望能提早完成。據了解，迪士尼正加快審批工程標書，基建工程最快聖誕節前展開，首個動工的區域會是反斗奇兵歷奇地帶或野礦山谷。樂園爭取二○一四年之前開放三個新主題區招待遊客，而首個主題區最快於二○一一年完工。
設名店食肆免入場費
金民豪又指樂園只營運了四年，仍有很大的成長空間，並已預留土地作進一步擴建。知情人士稱，其中一項計劃是在樂園外港鐵站至碼頭一段路的土地上興建大型商場，初步構思商場共有兩層，面積達數十萬平方呎，除售賣迪士尼商品之外，料會有其他品牌的名店及食肆，由於不收入場費，市民毋須購買樂園門票，已可在商場消遣整天。
美國及巴黎迪士尼樂園附近現時均設有規模似小鎮的購物消閒區（Downtown Disney），營運模式包括與其他公司合作興建及營運，或由迪士尼自資興建之後，再將舖位出租。
另外，迪士尼增建三個主題區後，第一期土地仍有七公頃用地，預留作興建遊樂設施，預計可再加建多幾個主題區。迪士尼本擬在今次擴建時，引入全球獨有的「冰天雪地」（Glacier Peak），以冰雪高塔、室內真雪及過山車作招徠，但因港府擔心與海洋公園擬建的「冰極天地」主題重複及互相競爭，最終「冰天雪地」遭否決，換上飽受批評的反斗奇兵歷奇地帶。據知迪士尼仍未放棄「冰天雪地」，希望下一次重建時能引入本港。
太陽
===================================================
網上面外國網友早前都已經講左2013年之前會落成晒三個主題區... 當今次金生係講俾d 唔知情人士la~
呢篇當然係要睇知情人士ge 情報... Blue Sky Disney 幾個月前透露過HKDL 公佈左擴建計畫之後... 下個plan 會係樂園外面起Down Town / Disney Village.... 原定一切順利ge 話下年就會公佈~ 聽講第三間酒店老早就已經設計好.. 只欠一個時機....
上面張圖係擴建位置示意圖... 黃色係已經公佈左ge 三個新園區~ 藍色係第三間酒店位置~ 超大塊地!! 粉紅色就係商店區~
白色點係小弟覺得第二期入口較佳位置~ 感覺兩個park 冇咁似係對面~ 同埋兩個水池廣場中間段路ge 商鋪必定要經過~ 可以靠呢個起法令高鋪租ge 範圍擴大~ 第二期開左就可以加租la!! 係咪好商人ge 諗法?? 咁咪岩晒金生何太ge 思維方式~
起兩層高??? Main Street 咁一排過?? 迎樂路唔駛起兩層高都仲夠位bo~ (又唔見park 入面d attraction 起高d wo......) 但如果對比返Main Street 商鋪size ... 粉紅色範圍作商店其實又算大~ 係咪因為要計埋d 商店ge backstage 同上貨區馬路等等??
如果佢地起兩層ge 話... 可能係好事~ 曾經提過HKDL 可以偷位拆左條berm (綠色小山丘) 俾Park 擴建ge 做法~ 如果商店起高過條berm 其實條berm 已經係廢左~! 拆埋佢個park 就唔只七公頃餘地作擴建~!! (即係黃色同粉紅色中間塊地用晒黎擴建!!! 塊地好用左幾多!!!)
到park 入面... 雪山 (冰河海灣) 真係可以還返俾我地?? 但我真係覺得海盜區域正過雪山wo!!! 森林轉去Toy Story Land.... 轉去熱帶雨林的Mystic Point.. 再轉去西部火山活躍地帶的荒廢礦場... 繼續行到去冰川雪地??? 有點兒奇怪... (不過最奇怪都係Toy Story...) 我會覺得依家咁樣不如擴大Grizzly Trail 起埋Western River Expedition X Journey to the center of the earth ge 設施好過~ (Pirate Coast 會更正!!!!)
其實樂觀d 咁睇... 第二期只起兩間酒店ge 話應該唔駛用咁大塊地... 再用盡d d 位ge 話Down Town 可以用埋青色位~
又或者... 青色位可唔可以起個大theater?
沒有留言:
發佈留言